काठमाडौं । भारतको हैदरावादमा भइरहेको मिस वर्ल्ड प्रतियोगिताबाट मिस इंग्ल्याण्ड- २०२४ मिला म्यागीले आफूलाई अलग गरेकी छिन् । उनले व्यक्तिगत र नैतिक समस्याहरूलाई देखाउँदै यो निर्णय लिएकी हुन् ।
२४ वर्षीया यी प्रतियोगीले तेलंगानामा बस्ने क्रममा आफूलाई दुर्व्यवहार गरिएको आरोप लगाएकी छन् । यसलाई लिएर अहिले इङ्गल्यान्ड र भारत दुवै ठाउँमा मानिसहरूका प्रतिक्रिया आइरहेका छन् ।
मिस इंग्ल्याण्ड यो अन्तर्राष्ट्रिय कार्यक्रमका लागि मे ७ मा भारत आइपुगेकी थिइन् र मे १६ मा उनी हैदरावाद छोडेर यूके फर्किइन् । ब्रिटिश ट्याब्लोइड 'द सन'लाई दिएको एक अन्तर्वार्तामा उनले आफूसँग भएको सम्पूर्ण घटनालाई विस्तारमा बताएकी छिन् । उनले भनिन्- बिहानको नास्तादेखि दिनभरि उनलाई जबरजस्ती मेकअप गराइएको थियो र उनी दिनभरि बल गाउनमा थिइन् ।
उनले आरोप लगाइन्- प्रतियोगीहरूलाई आर्थिक रूपमा सहयोग गर्ने मध्यम उमेरका प्रायोजकहरूसँग घुलमिल हुन भनिएको थियो । मिस इंग्ल्याण्डले भनिन्, 'म त्यहाँ केही फरक गर्न गएको थिएँ तर हामीलाई मदारीका बाँदरहरू जस्तै बसाएर राखियो । नैतिक रूपमा म यसको हिस्सा हुन सक्दिनँ । जहाँसम्म म देख्न सक्छु, यो बिल्कुलै परिवर्तन भएको छैन । अतिथिहरूलाई खुसी पार्न भनिन्थ्यो । यो मलाई धेरै गलत लाग्छ, म कसैलाई मनोरञ्जन दिन आएको होइन । मलाई वेश्या जस्तो महसुस गराइयो ।'
यो घटनापछि तेलंगानाका नेता केटी रामा रावले यस घटनाको निन्दा गरेका छन् । उनले यी सम्पूर्ण आरोपहरूको छानबिन गर्न माग गरेका छन् ।
मिस वर्ल्डकी सीईओले के भनिन् ?
यसबीच, मिस वर्ल्डकी सीईओ जुलिया मोर्लेले विज्ञप्ति जारी गर्दै केही फरक कारणहरू बताएकी छन् । भनिएको छ कि मिस इंग्ल्याण्डले आमाको स्वास्थ्य बिग्रिएपछि अचानक मिस वर्ल्ड छोड्ने निर्णय गरिन् । संस्थाले उनको अवस्था बुझेर उनको फर्कने व्यवस्था मिलाएको थियो ।
विज्ञप्तिमा मिस इंग्ल्याण्डका आरोपहरूमा भनिएको छ- दुर्भाग्यवश, हामीले केही यूके मिडिया आउटलेटहरूले झुटा र अपमानजनक समाचारहरू प्रकाशित गरेको पाएका छौँ । ती दावीहरू पूर्ण रूपमा गलत छन् । यसबीच, म्यागीको ठाउँमा मिस इंग्ल्याण्डकी रनर-अप चार्लेट ग्रान्टले लिएकी छन् ।
.jpg)
-1748613033.jpg)
-1748613031.jpg)
