नेप्सेमा उच्च अंकको गिरावट, कारोबार रकम पनि घट्यो

शेयर बजार

गृहपृष्ठ
शेयर बजार
नेप्सेमा उच्च अंकको गिरावट, कारोबार रकम पनि घट्यो

नेप्सेमा उच्च अंकको गिरावट, कारोबार रकम पनि घट्यो

सोमबार, असार ३०, २०८२ शब्दचित्र

काठमाडौं । सोमबार शेयर बजार परिसूचक नेप्से उच्च अंकले घटेको छ । आज नेप्से ३५.०९ अंकले घटेर २७२५.७१ विन्दुमा पुगेर बन्द भएको छ ।

नेप्से घटेसँगै ठूला कम्पनीको कारोबार मापन गर्ने सेन्सेटिभ इन्डेक्स पनि ६.८३ अंकले घटेर ४७४.३५ विन्दुमा पुगेर बन्द भएको छ ।

नेप्से घटेसँगै १३ मध्ये हाइड्रोपावर समूहको सूचक ०.१६ प्रतिशतले बढेको छ भने अन्य सबै समूहको सूचक राताम्मे बनेको छ । आज बैंकिङ समूहको सूचकमा २.४६ प्रतिशतको गिरावट आएको छ ।

आज कारोबारमा आएकामध्ये १९८ कम्पनीको शेयर मूल्य घटेको छ भने ५० कम्पनीको शेयर मूल्य बढेको छ । आज कुल २ करोड ११ लाख २ हजार ५४० कित्ता शेयर किनबेच हुँदा ८ अर्ब १७ करोड २१ लाख ४३ हजार ३२६ रुपैयाँको कारोबार भएको छ ।

आइतबार ११ अर्ब ४१ करोड ६४ लाख २८ हजार ४६७ रुपैयाँको कारोबार भएको थियो ।

प्रकाशित मिति: सोमबार, असार ३०, २०८२ १६:०६

प्रतिक्रिया दिनुहोस्