सिद्धार्थ बैंकले बोलायो साधारणसभा, लाभांश पारित गर्ने तयारी

कर्पोरेट

गृहपृष्ठ
कर्पोरेट
सिद्धार्थ बैंकले बोलायो साधारणसभा, लाभांश पारित गर्ने तयारी

सिद्धार्थ बैंकले बोलायो साधारणसभा, लाभांश पारित गर्ने तयारी

आइतबार, कात्तिक २, २०८२ शब्दचित्र

काठमाडौं । सिद्धार्थ बैंक लिमिटेडले कम्पनीको २४औँ साधारणसभा बोलाएको छ । काठमाडौंको भद्रकालीस्थित आर्मी अफिसर्स क्लबमा बस्ने गरी साधारणसभा बोलाइएको हो ।

साधारणसभा यही कात्तिक ३० गते बस्ने गरी बोलाइएको छ । साधारणसभा बिहान १० बजे सुरु हुनेछ ।

बैंकले गत आर्थिक वर्षको मुनाफाबाट आफ्ना शेयरधनीहरूलाई लाभांश वितरण गर्ने घोषणा गरेको छ । साधारणसभाले उक्त प्रस्ताव पनि पारित गर्ने तयारी छ ।

बैंकले हाल कायम चुक्ता पुँजीको ५ प्रतिशतका दरले बोनस शेयर र सोको कर प्रयोजनार्थसहित ५.५३ प्रतिशत नगद लाभांश वितरण गर्ने विशेष प्रस्ताव पारित गर्नेछ ।

यसका साथै प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, सञ्चालक नियुक्ति र सामाजिक उत्तरदायित्व बहन गर्ने क्रममा भएको अधिक खर्च अनुमोदन गर्ने, लेखापरीक्षक नियुक्त गर्ने लगायतका प्रस्तावहरु पारित गर्नेछ ।

प्रकाशित मिति: आइतबार, कात्तिक २, २०८२ ०८:२०