एन्फामा लफडाः कार्यवाहक अध्यक्षले गरे महासचिवलाई निलम्बन

खेल

गृहपृष्ठ
खेल
एन्फामा लफडाः कार्यवाहक अध्यक्षले गरे महासचिवलाई निलम्बन

एन्फामा लफडाः कार्यवाहक अध्यक्षले गरे महासचिवलाई निलम्बन

आइतबार, कात्तिक २, २०८२ शब्दचित्र

काठमाडौं । अखिल नेपाल फुटबल संघ (एन्फा) मा विवाद बढेको देखिएको छ । पछिल्लो पटक एन्फाका कार्यवाहक अध्यक्ष वीरबहादुर खड्काले महासचिव किरण राईलाई निलम्बन गरेका छन् ।

आइतबार खड्काले राईलाई पदबाट निलम्बन गरेका हुन् । राईमाथि संघको साधारणसभा र कार्यसमितिको म्यान्डेट समेतलाई बेवास्ता गरी संघको विधान, विधि र पद्धतिविपरीत फुटबल खेलको विकासमा दीर्घकालीन असर पर्ने गरी काम गरेको आरोप लगाइएको छ ।

सो विषयमा स्पष्टीकरण सोधिएकोमा त्यसको जवाफ नदिएको पनि निलम्बन पत्रमा उल्लेख गरिएको छ । सोहीकारण राईलाई आजकै मितिदेखि लागू हुने गरी अर्को कार्यसमिति बैठकसम्मका लागि निलम्बन गरिएको पत्रमा उल्लेख छ ।