गाजामा इजरायलको आक्रमणमा परी अलजजिराका चार जना पत्रकारको मृत्यु

अन्तराष्ट्रिय

गृहपृष्ठ
अन्तराष्ट्रिय
गाजामा इजरायलको आक्रमणमा परी अलजजिराका चार जना पत्रकारको मृत्यु

गाजामा इजरायलको आक्रमणमा परी अलजजिराका चार जना पत्रकारको मृत्यु

सोमबार, साउन २६, २०८२ शब्दचित्र

काठमाडौं । गाजामा इजरायलले गरेको आक्रमणमा परी अलजजिराका चार जना पत्रकारको मृत्यु भएको छ ।

अलजजिराका अनुसार गाजाको अल शिफा अस्पताल नजिकै भएको इजरायली आक्रमण्मा परी सो संस्थामा कार्यरत चार जना पत्रकार मारिएका हुन् ।

अलजजिराका अनुसार इजरायली आक्रमणको समयमा संवाददाता अनस अल शरीफ तथा मोहम्मद कुरैके, क्यामेरापर्सन इब्राहिम जहीर तथा मोहम्मद नौफाल अस्पतालको मुख्य गेटमा पत्रकारहरूका लागि बनाइएको एक टेन्टमा थिए ।

बीबीसीका अनुसार करिब २ हप्ताअघि अलजजिराले इजरायली रक्षा बल (आईडीएफ) को निन्दा गरेको थियो । साथै गाजामा रहेको अल शरीफसहित पत्रकारहरूमाथि चलाइएको अभियान उक्साहटपूर्ण रहेको जनाएको थियो ।

आक्रमणको केही समयपछि आईडीएफले अनस अल शरीफमा आक्रमण गरेको पुष्टि गरेको छ । आईडीएफले टेलिग्राममा गरेको एक पोष्टमा भनेको छ– उनी हमासको एक आतंकवादी सेलको प्रमुखका रूपमा काम गर्थे ।

यद्यपि, आईडीएफले आक्रमणमा मारिएका अन्य पत्रकारहरूका बारेमा भने केही उल्लेख गरेको छैन ।

अलजजिराका म्यानेजिङ इडिटर मोहम्मद मोआवादले बीबीसीसँगको कुराकानीमा अल शरीफ गाजाभित्रको समाचार दिने दुनियाका एक मात्र आवाज भएको बताएका छन् ।

प्रकाशित मिति: सोमबार, साउन २६, २०८२ ०९:१५